१६. मी नदी बोलते...

(अ) नदीचा जन्म कोठे होतो ?
नदीचा जन्म पर्वतावर होतो.

(आ) नदी मोठी कशी होते ?
अनेक छोटे-मोठे ओढे आणि इतर नद्या येऊन मिळाल्यामुळे नदी मोठी होत जाते.

(इ) नदीच्या पाण्याचा उपयोग लोक कशाकशासाठी करतात ?
वीज तयार करण्यासाठी, कारखाने चालवण्यासाठी, शेतातील पंप चालवण्यासाठी आणि पिण्यासाठी लोक नदीच्या पाण्याचा वापर करतात.

(ई) नदीचा वेग कधी कमी होतो ?
पर्वतउतारावरून वाहत येणारी नदी जेव्हा सपाट मैदानी भागात येते, तेव्हा तिचा वेग कमी होतो.

(उ) नदी आपल्याला कोणता संदेश देते?
'थांबला तो संपला' हा मोलाचा संदेश नदी आपल्याला देते.

(ऊ) तुमच्या जिल्ह्यात कोणकोणत्या नद्या आहेत ?
नमुना उत्तर (पुणे जिल्हा) मुळा, मुठा, पवना, इंद्रायणी, भीमा, नीरा, कुकडी इत्यादी नद्या पुणे जिल्ह्यात आहेत.