२५. मालतीची चतुराई

(अ) मालतीला कोणत्या गोष्टीचे नवल वाटले?
सकाळी मलण्णा उठून गोठ्यात गेला, तेव्हा तिथे एकच बैल होता आणि दुसरा बैल गायब होता, या गोष्टीचे मालतीला नवल वाटले.

(आ) मलण्णा डोक्याला हात लावून का बसला ?
गावभर शोधूनही बैल सापडला नाही; आता एका बैलावर शेती कशी करायची, या काळजीने मलण्णा डोक्याला हात लावून बसला.

(इ) बैल चोरणारा माणूस मनातून का घाबरला ?
मालतीने आपला हरवलेला बैल ओळखला आणि 'या माणसाने आमचा बैल चोरला' असा आरडाओरडा करायला सुरुवात केली, म्हणून बैल चोरणारा माणूस मनातून घाबरला.

(ई) मालतीने युक्ती करायचे का ठरवले ?
हा चोर आपला बैल सहजासहजी देणार नाही, हे मालतीच्या लक्षात आले, म्हणून तिने युक्ती करायचे ठरवले.

(उ) मालतीने कोणती युक्ती केली ?
मालतीने झटकन बैलाच्या डोळ्यांवर हात धरला आणि चोराला विचारले, "सांग बरं, याचा कोणता डोळा अधू आहे, डावा की उजवा?" ही युक्ती मालतीने केली.

(ऊ) चोराची भंबेरी का उडाली ?
जेव्हा मालतीने बैलाच्या डोळ्यांवरचा हात बाजूला केला आणि "अरे चोरा, या बैलाचे दोन्ही डोळे चांगले आहेत," असे म्हटले, तेव्हा लोकांसमोर आपली लबाडी उघडकीस आल्याने चोराची भंबेरी उडाली.