२. श्यामचे बंधुप्रेम

1. (अ) नवीन पाऊस सुरू होण्याचा मातीवर काय परिणाम होतो?
   नवीन पाऊस सुरू झाल्यावर तापलेल्या मातीवर पाणी पडते आणि तेव्हा मातीचा एक रम्य व सुंदर वास सुटत असतो.
2. (आ) श्यामने कोणता निश्चय केला होता?
   आपल्या धाकट्या भावास नवीन कोट किंवा सदरा शिवून न्यायचा, असा निश्चय श्यामने दापोलीहून घरी येताना केला होता.
3. (इ) लहान भावाला आईने कसे समजावले?
   "तुझे अण्णा-दादा मोठे होतील, रोजगारी होतील, मग तुला सहा महिन्यांनी नवीन सदरा शिवतील, आता हट्ट धरू नको," असे आईने लहान भावाला समजावले.
4. (ई) श्यामचे वडील वरचेवर दापोलीला कशासाठी जात?
   श्यामचे वडील कोर्ट-कचेरीच्या कामासाठी वरचेवर दापोलीला जात असत.
5. (उ) श्यामला चालण्याचे श्रम का वाटत नव्हते?
   नवीन कोट बघून आईला आणि भावाला किती आनंद होईल, या सुखस्वप्नात श्याम दंग होता. त्यामुळे त्याला चालण्याचे श्रम वाटत नव्हते.

1. (अ) श्यामचे डोळे अश्रूनी न्हाले होते.
   कारण, खाऊचे पैसे साठवून श्यामने आपल्या भावासाठी कोट शिवला होता. जेव्हा तो तयार झालेला कोट त्याने हातात घेतला, तेव्हा भावाबद्दलच्या प्रेमाने व आनंदाने त्याचे डोळे अश्रूंनी न्हाले होते.
2. (आ) श्याम ज्यांच्या घरी राहायचा त्यांनी त्याला 'जाऊ नको' असे म्हटले.
   कारण, खूप पाऊस पडत होता, नदीनाल्यांना पूर आले असतील व पिसईचा आणि सोंडेघरचा पह्या यांना उतार नसेल, अशी त्यांना भीती वाटत होती. त्यामुळे त्यांनी श्यामला जाऊ नको असे म्हटले.
3. (इ) पिसईचा पह्या दुथडी भरून वाहत होता.
   कारण, पावसाळा नुकताच सुरू झाला होता आणि पावसापाण्याचा जोर खूप जास्त होता.
4. (ई) श्यामने सांगितलेली हकिकत ऐकून आईला गहिवर आला.
   कारण, श्यामने खाऊचे दिलेले पैसे स्वतःवर खर्च न करता साठवले आणि त्या पैशांतून आपल्या धाकट्या भावासाठी नवीन कोट शिवून आणला होता. त्याचे हे निखळ बंधुप्रेम पाहून आईला गहिवर आला.

1. समीरा, विनीता, त्यांनी, निखिल.
   गटात न बसणारा शब्द : त्यांनी (कारण 'त्यांनी' हे सर्वनाम आहे व बाकी सर्व नामे आहेत).
2. मी, सातपुते, त्याने, तिला.
   गटात न बसणारा शब्द : सातपुते (कारण 'सातपुते' हे नाम आहे व बाकी सर्व सर्वनामे आहेत).
3. हिमालय, सुंदर, प्रसन्न, भव्य.
   गटात न बसणारा शब्द : हिमालय (कारण 'हिमालय' हे नाम आहे व बाकी सर्व विशेषणे आहेत).
4. लिहिणे, आम्ही, गाणे, वाचणे.
   गटात न बसणारा शब्द : आम्ही (कारण 'आम्ही' हे सर्वनाम आहे व बाकी सर्व क्रियापदे/धातुसाधिते आहेत).

दिलेले शब्द : तिथे, दररोज, टपटप, क्षणोक्षणी, सावकाश, पलीकडे, अतिशय, पूर्ण, परवा, समोरून, जरा, मुळीच, कसे, वर, थोडा, सतत, झटकन.